LIGJET E BIZNESIT
Një ngjarje tragjike ka ndodhur ditën e sotme në fshatin Berivojcë të Kamenicës. Mësohet se një burrë 42 vjeç ka vrarë gruan e tij 34-vjeçe.
Ai ka përdorur një shufër metalike për të kryer aktin barbar. Kryeprokurori i Prokurorisë Themelore në Gjilan, Jetish Maloku, tha për mediat kosovare se nga hetimet e para dyshohet se burri e ka mbytur bashkëshorten e tij me një shufër metalike. Ai tha se për momentin nuk dihet motivi i vrasjes, ndërsa prokurorët dhe hetuesit ndodhen në vendin e krimit.
Zëdhënësi i Policisë së Kosovës tha për Gazetën Express se i dyshuari kryesor është arrestuar nga policia.
“Sot, më 25.07.2020, rreth orës 13:20, policia është njoftuar për një vrasje në fshatin Berivojcë të Kamenicës. Dyshohet se një mashkull (rreth 42 vjeçar), ka vrarë gruan e tij (rreth 34 vjeçare). Njësitet policore i janë përgjigjur vendngjarjes. Është arrestuar i dyshuari, është njoftuar prokurori dhe po vazhdon kompletimi i rastit nga hetuesit policorë”, tha Krasniqi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
