Shifra alarmante në Kosovë/ Ja sa është numri i të infektuarve dhe viktimave në 24 orë

Pandemia ka krijuar një gjendje alarmante dita-ditës edhe në Kosovë.

Së fundmi janë regjistruar 213 raste të reja dhe 6 viktima në vetëm 24 orët e fundit.

Të dhënat i ka bërë me dije Instituti Kombëtar i Shëndetësisë Publike në Kosovë.

Në njoftim thuhet se gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 494 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 213 raste pozitive.

Numri total i rasteve pozitive është 6.680 raste nga 33.289 persona të dyshimtë në virusin SARS-CoV-2, ndërsa numri total i viktimave nga Covid-19, ka shkuar në 164.