E rëndë në Elbasan/ Shpërthim i fuqishëm te ish-Metalurgjiku, plagosen 7 persona

Një shpërthim i fuqishëm ka ndodhur pak minuta më parë në Elbasan.

Ngjarja është shënuar në një fabrikë në zonën e Ish-Kombinatit Metalurgjik.

Si pasojë e shpërthimit janë plagosur 7 persona, 3 prej të cilëve janë në gjendje të rëndë shëndetësore.

Ata janë dërguar urgjentisht në spital për ndihmë mjekësore më të specializuar.

Dyshohet se shpërthimi ka ndodhur në repartin e oksigjenit-

Arsyet e ngjarjes së rëndë ende nuk dihen.

Policia dhe zjarrëfikësit kanë mbërritur në zonë dhe po punojnë për të zbardhur ngjarjen dhe për të vënë në kontroll situatën.