Firmosja e marrëveshjes/ Reagon Alibeaj: Eshtë rrumpallë

Ish-deputeti i Partisë Demokratike, Enkelejd Alibeaj ka reaguar për marrëveshjen e firmosur ditën e sotme në kryesinë e Kuvendit, nga kryeministri Rama dhe krerët e grupeve parlamentare.

Alibeaj u shpreh se kjo marrëveshje është rrumpallë, sepse palët nuk ishin dakord plotësisht me marrëveshjen. Ai u shpreh se këto ndryshime kushtetuese po kërkohet të bëhen në paligjshmëri, pasi nuk ka Gjykatë Kushtetuese.

Reagimi i ish-deputetit:

Nga palët një i kundërshtonte, dy të tjetër ishin për një pjesë të marrëveshjes. Rrumpallë, është rrumpallë. E vetmja gjë që mund të kuptohet në këtë pikë, është që njeriun  që e ka kapur paranoja e humbjes, zgjidhja është të shkatërrojë gjithçka. Të shkatërrojë kushtetutën, marrëveshjen e 5 qershorit të bekuar nga ndërkombëtarët. Ndryshimet kushtetuese, në mungesë të Gjykatës Kushtetuese, më bën habi një fakt, pse nuk shpall që të mos ketë më zgjedhje fare dhe ta shpallë veten perandor.