Një lajm i fortë vjen së fundmi nga drejtësia shqiptare.
Mësohet se ka dhënë dorëheqjen nga detyra gjyqtari i Apelit të Tiranës, Gjin Gjoni.
Ai e ka dorëzuar kërkesën pranë Këshillit të Lartë Gjyqësor.
Sipas informacioneve si motiv ai ka deklaruar se drejtësia është në kolaps.
Gjithashtu, gjyqtari pretendon se “Vettingu, jo i barabartë për të gjithë. E kalon Vettingun nëse i shërben politikës”.
Kujtojmë se Gjin Gjoni, në prag të nënshtrimit të procesit të Vettingut, mori nga KLD leje prindërore 2-vjeçare për të qenë pranë bashkëshortes së tij në Gjermani.
Për këtë erdhi atëkohë edhe reagimi nga ambasada e SHBA e cila tha qartë se leja e marrë nga gjyqtari i Apelit të Tiranës nuk duhet ta shpëtojë atë nga Vettingu.
Gjoni është një nga figurat e drejtësisë më të përfolura në vend për pasurinë e tij, e cila nuk kaloi në sitën e verifikimit pasi në mënyrë të beftë dhe të padëgjuar më parë, në fund të vitit 2018, gjyqtari mori leje prindërimi 2-vjeçare, meqë u bë me vajzë.