LIGJET E BIZNESIT
Pas më shumë se tetë muajsh që pandemia është përhapur në pothuajse gjithë botën, Organizata Botërore e Shëndetësisë ka dalë me një paralajmërim të fortë.
Sipas këtij institucioni mund të ketë një shpërthim të rasteve të reja në Afrikë, shumë më të mëdha sesa deri më tani.
“Jam shumë i shqetësuar se do të shohim hov të sëmundjes në Afrikë”, tha shefi i emergjencave pranë OBSH-së, Michael Ryan.
Deri më tani kontinenti nuk është një vatër e nxehtë.
Në të janë konfirmuar mbi 725.000 raste pozitive dhe rreth 15.000 viktima.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por, numri i rasteve në Afrikën e Jugut, shtetin më të goditur të kontinentit, mund të shihet si paralajmërim për atë që mund të ndodhë në pjesën tjetër të Afrikës.
Në Afrikën e Jugut janë konfirmuar mbi 370,000 raste pozitive dhe 5,000 viktima.
“Kjo nuk është vetëm një thirrje zgjimi për Afrikën e Jugut. Duhet ta marrim shumë, shumë seriozisht atë që është duke ndodhur në Afrikë”, tha Ryan.
Pandemia deri më tani ka prekur mbi 14.7 milionë njerëz në gjithë botën.
Prej tyre, mbi 609,000 kanë vdekur dhe mbi 8.2 milionë janë shëruar.
