Atentati në Elbasan/ Reagon gazetari: Mbase “ata” të “Tarzanit” u bënë të gjallë

Pas atentatit të ndodhur ditën e sotme, ku mbeti i vrarë Emiljano Ramazani, ka reaguar gazetari investigative Artan Hoxha.

Hoxha vë në dukje paaftësinë e policisë së Shtetit, që nuk munden të kapin bandit e krimit, por mbledhin gëzhojat në vendin e ngjarjes.

Ndër të tjera, gazetari shkruan se vrasja e sotme ishte për luftë territoresh në tregun e “të bardhës”.

Gazetari flet me gjuhë të kodifikuar dhe shprehet se “ata” të “Tarzanit” u bënë të gjallë.

Reagimi i plotë:

Si ka qenë ajo loja, që luanim kur ishim të vegjël?!

Agoj, lojë filloj, 5 minuta sa të fshihem…

“Lëviz, lëviz, ky qerrata qytet.

Erë xhepane bie, kudo që të shkosh”- thanë pleqtë e Ibrahim Kovaçit, te “I teti në bronz”…

Më në fund, pasi morën disa goditje të forta rresht, nga “djemtë e Dubait”, mbase “ata” të “Tarzanit”, u bënë të gjallë…

Lufta për kontroll të territorit dhe tregun e “të bardhës”, po korr me sukses, viktimat e veta.

Ekspertët e policisë, vazhdojnë të mbledhin gëzhojat në vendin e ngjarjes.

Ndërsa shërbimi zjarrfikës, mbetet në gatishmëri të plotë për të shuar zjarrin e makinës së autorëve të atentatit…

“Reforma për drejtësi”, në botën e krimit, është në vijim e sipër.

Aty nuk ka veting falls me lista partie!!!

Aty ka AK-47, pa të drejtë apelimi…

Kampionati vazhdon…