LIGJET E BIZNESIT
Prej 3 vitesh, 1700 fermerë në zonat rurale, plotësojnë letra çdo 3 muaj e luten për kredi të vogla bujqësie-blegtorie; ndërsa shefat në Agjencinë e Zhvillimit Bujqësor Rural (AZHBR), i përcjellin me shabllonin: “Akoma nuk janë çelur fondet”.
Ndërsa për makina luksi e rehatie për veten dhe vartësit, Drejtorja e AZHBR, Frida Krifca, i ka të çelura fondet; madje në vlerë miliona lekë, që janë sa 144 kredi minimale në blegtori.
Në datën 15 korrik 2020, vetëm 24 orë pas kthimit nga ëikendi me “bablokun” nëpër baxhot e jugut; Frida Krifca, ose “shefja e kredive” (siç njihet); ka shpallur një tender që bën “muu” për korrupsion me fondet publike.
Sipas njoftimit zyrtar, drejtorja e AZHBR, ka porositur 6 autovetura luksi; të cilat, përveç specifikimeve të tjera teknike, duhet të kenë edhe këto kushte:
– Marrje me qira, 1 autoveturë e llojit “Fuoristradë”; prodhim i fund-vitit 2019 e pa përdorur; me 0 (zero) km; me shpejtësi minimale 180 km/orë; me xhama të zinj e nuanca gjithë spektriale (është për drejtoren).
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
– Marrje me qira, 5 autovetura të llojit “Fuoristradë” (PICK UP); prodhim i fund-vitit 2019, të pa përdorura; me 0 (zero) km; me shpejtësi minimale 160 km/orë; me xhama të zinj e nuanca.
FAKT/ AZHBR ka gjendje, 9 makina prodhim i viteve 2016-2017 për shërbime malore e fushore; 2 nga të cilat, i përdor vetë drejtorja Frida Krifca: 1 “për asfalt” e 1 kur shkon për të bërë “kronika suksesesh” me fermerët.
KRAHASIM/ AZHBR po merr 6 makina me qira, duke paguar 216 milionë lekë të vjetra për 2 vite; ose 1200 Euro pagesë qiraje në muaj për secilën, pa llogaritur koston e mirëmbajte-riparimit të tyre që e ka detyrim AZHBR. Sa makina të reja, mund bliheshin me kaq milionë lekë?/Pamflet/
