Këshilli Politik/ Murrizi ironizon: Ne mbaruam punë po ata u futën prap, dashuria e vjetër gjë e madhe

Deputeti i opozitës parlamentare Myslim Murrizi ka folur pas përfundimit të mbledhjes së Këshillit Politik, pas 5 orësh diskutime. Ai ka deklaruar se në takim ishte si përfaqësuesi i 28 deputetëve për ndryshimet Kushtetuese.

Ndër të tjera, Murrizi deklaroi se përfaqësuesit e PD-së dhe PS-së u futën përsëri në Pallatin e Kongreseve sepse sipas tij “dashuria e vjetër është gjë e madhe”.

Murrizi shprehet se dy forcat më të mëdha politike kanë hallin e marrëveshjes së 5 qershorit, por u shpreh i bindur se opozita parlamentare nuk do të japë asnjë votë për atë marrëveshje.

“Pasi të hapim listat rishikojmë Kodin Zgjedhor që mos tjetërsojnë hajdutët votat dhe rezultatin. Kjo është kërkesa jonë. Këta bashkë le të rrinë dhe ishalla le të flejnë edhe aty. Jo jo ne mbaruam punë po u futen prap në mbledhje se dashuria e vjetër është e madhe. Unë jam si përfaqësues i 28 nismëtarëve. Pasi opozita parlamentare ka dhe nja 12 të pavarur.

Erdha të jem dëshmitar i kopillëqeve dhe mësova se këta kanë hallet e 5 qershorit, nuk marrin kokërr vote nga opozita parlamentare. Vazhdoni me bodrumin e pallateve të kongereseve unë sjam këtu për të mbajtur pazarin e tyre të fshehtë”, tha Murrizi.