Mbërrin i nxehti afrikan në Shqipëri, ja sa do të shkojnë temperaturat në fund të korrikut

Vala e të nxehtit afrikan është shumë afër Shqipërisë.

Mësohet se java që vjen do të jetë dhe më e nxehta e korrikut, ku temperaturat pritet të shkojnë deri në 39-40 gradë celcius.

Të dhënat i ka bërë me dije meteorologia Adiola Bani.

Ndërsa në ditët e fundit të korrikut, do të ketë mot më të qëndrueshëm dhe rënie të lehtë të temperaturave.

“Temperaturat që kemi pasur javën e kaluar dhe 34-35 të fundjavës që lamë pas janë vlera tipike të korrikut. Ajo që do të bëjë diferencën është java që sapo ka nisur, ku përveçse do të paraqitet me diell e gjitha do të kemi dhe rritje të menjëhershme të temperaturave të ajrit.

Kjo javë, që është dhe e parafundit e korrikut, do të mbyllet me temperatura shumë të larta duke qenë se do të kemi ardhjen e masave të nxehta dhe të thata nga veriu i Afrikës ku temperaturat do të jenë 39-40 gradë celcius.

Po ashtu, edhe java e fundit e korrikut, edhe pse do të kemi një rënie të lehtë të temperaturave të paktën 2 gradë dhe do të jetë diku 36-37 gradë celcius, do të jetë e nxehtë dhe me mot të qëndrueshëm e me diell sidomos në zonat bregdetare të cilat mbeten të favorizuara për këto dy javë” – deklaroi sinoptikania Bani në një prononcim për mediat.