Mbyllet Komisioni Hetimor për Metën/ Raporti i dërgohet parlamentit, ja çfarë u vendos

Ka përfunduar veprimtaria e Komisionit Hetimor, i cili u ngrit muaj më parë nga mazhoranca për të shkarkuar presidentin Ilir Meta.

Ndërkohë në debat e sipër është votuar raporti përfundimtar me 6 vota pro, asnjë kundër dhe asnjë abstenim.

Më pas ky raport do i paraqitet parlamentit në seancën plenare.

Në fund të mbledhjes u votua që Meta të mos shkarkohet, me argumentin e Kreu i Shtetit nuk ka bërë shkelje në një shkallë të tillë.

Kreu i Komisioni Ulsi Manja lexoi një pjesë të raportit, duke përfshirë dhe sugjerimet për Kuvendin, siç është një ligj organik për Presidentin.

“Shkeljet e kryera nga Presidenti i Republikës në formën e veprimeve ose mosveprimeve nuk konsiderohen të mjaftueshme për propozimin seancës plenare për shkarkimin e Presidentit. Komisioni hetimor i sugjeron dhe i rekomandon Kuvendit të Shqipërisë këto zgjidhje” rishikim të dispozitave kushtetuese për të qartësuar pozitat e presidenti, një ligj organik për presidentin. Në kuadër të ligjeve të reja të reformës në drejtësi ka qenë dhe një ligj organik për Presidentin i Republikës po u tërhoq nga procedura sepse nuk qartësonte kompetencat e Presidentit por merrej me privilegjet presidenciale.
Ftojmë ta miratojmë këtë raport përfundimtar të komisionit hetimor.
6 vota pro, me rezervën që kolegu Fino shprehu, asnjë kundër, asnjë abstenim miratohet raporti përfundimtar i komisionit hetimor. Mbyllet veprimtaria e këtij komisioni hetimor”, deklaroi Manja.