Ndërkohë që mazhoranca është tërhequr nga vendimi për shkarkimin e presidentit Ilir Meta, duket se jo të gjithë socialistët janë dakord me këtë.
Njëri prej tyre, Bashkim Fino është i vetmi që ka artikuluar qartë kërkesën për shkarkim të Metës në raportin përfundimtar të Komisionit Hetimor.
“Presidenti ka shkelur me të dyja këmbët Kushtetutën, ndaj duhet të shkarkohet. Nuk e ngritëm komisionin për të analizuar sjelljen e Metës. Na ka quajtur grup kriminal, ndaj le të reflektojmë para se ta çojmë raportin përfundimtar në Parlament’, u shpreh Fino në mbledhjen online të Komisionit të Ligjeve .
Gjithashtu Fino ka vijuar më tej, duke ironizuar grupin e tij parlamentar: Ndoshta duhet ti kërkojmë falje presidentit se e kemi bezdisur.