Operacioni Forca e Ligjit vijon punën për goditjen e pasurive të vendosura në mënyrë të paligjshme.
Kështu mësohet se ditën e sotme janë vënë në shënjestër 4 persona nga Kukdësi, të dënuar apo akuzuar më parë për krim të organizuar ose vepra të rënda penale.
Mësohet se OFL i ka dërguar kërkesat me shkrim për vetëdeklarimin e burimeve të pasurisë, shtetasve:
Xhevahir Alijaj, banues në Kukës, i dënuar për veprën penale “Vjedhja me armë”;
Blendi Axhami, banues në Kukës, i dënuar për veprën penale “Vjedhja me armë”;
Zaim Vata, banues në Kukës, i dënuar për veprën penale “Vjedhja me dhunë”;
Bledar Halilaj, banues në Kukës, i dënuar për veprën penale “Rrëmbimi ose mbajtja peng e personit”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.