“Reagim zhgënjyes” Rama i përgjigjet me ‘kunjë’ politikanit gjerman: Mik shumë i mirë i Lulit, por dhe i imi

Deklaratës së zv.kryetarit të grupit të CDU/CSU në Bundestag, Johann David Wadephul i cili u shpreh se nëse miratohen ndryshimet kushtetuese atehërë Gjermania do të bllokojë hapjen e negociatave të BE më Shqipërinë, i është përgjigjur kryeministri Edi Rama në konferëncën që po zhvillon aktualisht me gazetarët.

Rama i është drejtuar politikanit duke thënë se ky është një reagim zhgënjyer në planin etik dhe i zhbalancuar në planin politik.

Por kryeministri nuk e ka ndalur dhe ironinë, duke shtuar se Ëadephul është një mik shumë i mirë i Lulzim Bashës por dhe një mik i mirë i tij.

“Nuk jam në dijeni të një deklarimi të ministrit (gjerman) do ta shoh. Por nuk ndryshon. Gjermania është një pikë referimi e mbarë botës.

Deklarimi i zotit David Wadephul ishte zhgënjyes në planin etik, i zhbalancuar në planin politik. Është një mik i mirë i Lulzim Bashës dhe i imi, kam një komunikim të vazhdueshëm me të dhe e çoj për të ndihmuar në lehtësimin e marrëdhënieve politike.

Çmoj edhe faktin që është europian i palëkundur dhe vizionit për Ballkanin Perëndimor. Respekti dhe mirënjohja për çdo orë. Por mund t’ju them se është i keqinformuar lidhur me koalicionet, pasi ato nuk do të ndalohen, por do të bëhen sikundër kudo në Europë, ashtu sikundër është në Gjermani. Ajo që ne po i ofrojmë shqiptarëve është që krahas partisë të zgjedhin edhe kandidatin, dhe ti japim fund që votat e njërës parti të shkojnë te partia tjetër. Pra koalicionet nuk ndalohen, por thjesht partitë duhet të dalin me një listë kandidatësh”, tha Rama.