Pas takimit të sotëm të presidentit Ilir Meta me kryetarin e Partisë Demokratike Lulzim Basha, ka reaguar dhe kryeministri Edi Rama.
Ky i fundit ka komentuar dhe miratimet e ndryshimeve në Kodin Zgjedhor sipas draftit të dakordësuar më 5 qershor.
Sipas kreut të qeverisë votimi u bë pa konsensus sepse opozita parlamentare vazhdon të kundërshtojë marrëveshjen për depolitizimin e administratës zgjedhore.
“Shumica jonë në Komisionin e Ligjeve sapo votoi draftin e dakordësuar në 5 qershor me opozitës jashtëparlamentare! U votua pa konsensus sepse o pozita parlamentare vijon ta kundërshtojë marrëveshjen për mosdepolitizimin e admin.zgjedhore, kërkuar si kusht nga LBPD! Për më shumë në 13.00 live!”, shkruan Rama.
Ndërkohë mësohet se komunikimi me mediat do të bëhet në kryesinë e Kuvendit, ku do të jetë i pranishëm dhe kreu i grupit parlamentar të PS, Taulant Balla.