Lajmi i hidhur që erdhi sot paradite nga Spitali Infektiv tronditi opinionin publik.
Bëhej fjalë për një paciente 21-vjeçare të intubuar, e cila humbi jetën.
Deri më tani ajo është viktima më e re në moshë nga pandemia.
Mësohet se vajza kishte 7 ditë me temperaturë por është shtruar në spital vetëm mbrëmë.
Ndërkohë në njoftimin e sotëm zyrtar, Ministria e Shëndetësisë ka dhënë informacion në lidhje me gjendjen e vajzës.
“Mëngjesin e sotëm ka ndërruar jetë një vajzë e re 21 vjeçare, e cila ndodhej në terapi intensive e intubuar, si pasojë e simptomave të rënda . Gjendja e saj u rendua në mënyrë të menjëherëshme si pasojë e tromboembolisë fulminante dhe pavarësisht përpjekjeve maksimale të stafit mjekësor, e reja që vuante nga sindromi metabolik, nuk ka arritur të mbijetojë.”, thuhej ndër të tjera në njoftim.
Kujtojmë se në vendin tonë u konfirmuan 85 raste të reja në të gjithë Shqipërinë.