“Edhe 100 vjeç, e shtrenjta jonë” Pamje prekëse nga Infektivi, fëmijët urojnë nënën e intubuar për ditëlindje (FOTO)

Një pamje prekëse është ajo që vjen së fundmi nga Spitali Infektiv.

Ministrja e Shëndetësisë Ogerta Manastirliu ka shpërndarë një foto, ku një e prekur nga pandemia, feston ditëlindjen e intubuar dhe në luftë me virusin e rrezikshëm.

Familjarët dhe fëmijët e saj nuk mund ta festojnë këtë ditë si zakonisht.

Ata kanë dërguar një tufë me lulë dhe pusullë në të cilën shkruhet: Edhe 100 vjeç! Nga motra dhe fëmijët. E shtrenjta jonë!

“Ju lutem ndaluni pak çaste për të parë këtë nënë që po lufton për jetën në spitalin infektiv. Në ditën e saj të lindjes, në pamundësi për ta parë, fëmijët kanë dashur t’i tregojnë se i janë pranë, duke i sjellë një tufë lule në spital. Por ajo është në terapi intensive, e intubuar, vetëm për shkak të virusit të rrezikshëm, që merr jetë!,“-shkruan Manastirliu.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërsa krahas fotos, ministrja apelon që qytetarët të vendosin maskat, që të mos lejohet përhapja më tej.