Lumturi për çiftin Beckham, djali i tyre 21 vjeç i jep fund beqarisë

Në familjen e David dhe Victoria Beckham këto ditë ka festë.

Mësohet se djali i tyre i madh Brooklyn, do ti japë fund beqarisë duke lidhur jetën me të dashurën e tij Nicola.

Ai i ka propozuar për martesë duke i premtuar se kur të vijë dita për hapin e madh, do të jetë burri dhe babai më i mirë.

“Dy javë më parë i kërkova shpirtit tim binjak të martohet me mua dhe ajo tha Po. Jam burri më me fat në botë. Premtoj se do jem burri më i mirë dhe babai më i mirë në botë, kur të vijë dita. Të dua”, shkruan Brooklyn Beckham.

E fejuara e tij Nicola Peltz ka marrë edhe bekimin e prindërve të tij dhe është zyrtarisht anëtarja më e re e familjes së tyre të madhe.

Çifti po shijonte lidhjen e dashurisë për 9 muaj, derisa ka vendosur që marrëdhënia të kalojë në tjetër stad.

Ata i shprehin shpesh dashurinë njëri-tjetrit duke ndarë foto të shumta së bashku në rrjete sociale, ndërsa tani duhet të ndihen në qiellin e shtatë nga lumturia.

Më herët, Brooklyn ishte i lidhur me aktoren Chloe Moretz dhe më pas me modelen Hana Cross, të dyja 23 vjeç.