LIGJET E BIZNESIT
Pastori Fitor Muça, i ftuar në emisionin Opinion, ka shpjeguar termin e ringjalljes sipas riteve fetare.
Pastori shprehet se ringjallja do të bëhet e mundur vetëm me kthimin e Jezu Krishtit dhe se ekziston vërtetë, por jo në këtë mënyrë.
Ndërkohë që pastori foli për ringjalljen, ai përdori termin “ti” dhe kjo e trembi Fevziun.
Pjesë nga Intervista:
Pastori Fitor Muça: Duket sikur nuk ekziston ringjallja. Do të ishte fatkeqësi që t’i flisnim shoqërisë dhe t’u thonim që nuk ekziston ringjallja. Sepse besimtarët mblidhen dhe festojnë ringjalljen e Krishtit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Blendi Fevziu: Po është rit fetar, jo se njerëzit besojnë vërtetë që ringjallet Krishti çdo vit….
Pastori Fitor Muça: Kjo është e drejta e çdo njeriu ta besojë. Të gjithë besojnë në ringjallje. Madje ne themi se nëse nuk ekziston ringjallja, e kotë është besimi ynë. Por kjo nuk do të thotë të vdesësh ti, ta çosh vetë…
Blendi Fevziu: Larg qoftë…nuk e çoj nëpër mend.
Pastori Fitor Muça: Më fal, nuk e përdora në termin ti…por në përgjithësi. Personi që dëshiron të bëjë një akt të tillë vetëflijimi duke besuar se do të ringjallet…
Blendi Fevziu: Po nëse beson tek ringjallja, pse të mos e mendojë këtë?
Pastori Fitor Muça: Ja t’jua shpjegoj. Vetëflijimi, vetëvrasja është e ndaluar. Njeriut i ndalohet që t’i marrë jetën dikujt, qoftë edhe vetes.
Blendi Fevziu: Ok në këtë rast vajza vrau veten. Por nëse një njeriu i ndalon zemra dhe e mbajnë në shtëpi, a ringjallet?
Pastori Fitor Muça: Jo
Blendi Fevziu: Po si pra?
Pastori Fitor Muça: Sepse nuk mund të besosh që vdiqe sot dhe do ngjallesh për dy tre ditë…
Blendi Fevziu: Por për një vit?
Pastori Fitor Muça: As për 100 vjet. Ringjallja vjen me rikthimin e Jezu Krishtit.
Ngjarja e rëndë u zbulua mbrëmjen e 2 korrikut dhe tronditi opinionin publik. Në pallatin parafabrikat mbrapa ish-Mapos rruga “Hamdi Cenoimeri”, dy trupat e vdekur të dy grave kanë “bashkëjetuan” për muaj me me banorët e lagjes. Zhaneta Josifi, 56 vjeçe dhe Anisa Josifi 30 vjeçe, u gjetën të vdekura në banesë, ndërsa në gjendje të rëndë ishte edhe vajza tjetër e Zhanetës, Blerta Josifi 34-vjeçe.
Kjo e fundit bashkë me nënën e saj kishin mbajtur në banesë trupin e pajetë të Anisës, të cilin e lyenin me vaj e uthur që të mos binte erë. Në banesën e tyre të thjeshtë në këtë lagje të Tiranës, policia gjeti shënime fetare, ku u mësua se nëna dhe dy vajzat kanë qenë praktikante të sektit të njohur si “Dëshmitarët e Jehovait”. Blerta që prej 2 korrikut, ndodhet e shtruar në spitalin Psikiatrik të Tiranës.
