Kryetarja e Lëvizjes Socialiste për Integrim, Monika Kryemadhi duket mjaft entuziaste dhe e bindur se partia e saj do të japë një performancë të shkëlqyer në zgjedhjet e ardhshme parlamentare.
Kryemadhi beson se LSI-në do ta votojnë emigrantët dhe e përshkroi partinë e saj me fjalët biblike, duke e quajtur Parajsa në tokë.
“Ne na ka dal nami që i fusim njerëzin në punë dhe e mbajmë fjalën,” tha Kryemadhi gjatë intervistës me gazetarin Roland Qafoku.
“Kështu që mendoj që slogani ynë më i mirë është që: Takoni ata që kanë jetuar me LSI dhe do ta kuptoni se kush është LSI. Po nuk e provove LSI nuk ke kuptuar Parajsën,” vijoi Kryemadhi.