“Zbrit TVSH-në nga 20% në 10%”, Shoqata Turistike 6 kërkesa Ramës

Shoqatat Turistike kanë nënshkruar një peticion, ku i kërkojnë qeverisë gjashtë kërkesa për të kapërcyer krizën e krijuar nga COVID-19.

Ata shprehen se të gjitha rezervimet e pranverës janë anuluar, ndërsa disa nga rezervimet e verës janë anuluar e disa janë stopuar, duke mos garantuar asgjë për turizmin. Ky fakt bën që humbjet e tyrë të shkojnë deri në 1.5 miliardë euro.

Peticioni i tyre i drejtohet kryeministrit Edi Rama dhe tre ministrive, të Turizmit, të Financave dhe të Mjedisit.  Ata i kërkojnë qeverisë të realizojë 6 kërkesat e tyre, ku e para është heqja e të gjitha taksave deri në fund të vitit 2020.

Ndër të tjera, shoqatat turistike kërkojnë subvencionimin e pagave edhe për punonjësit ebizneseve të mëdha, të larguar nga puna pas datës 10 prill 2020.

6 kërkesat drejtuar qeverisë:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

1-Çlirimin e bizneseve të turizmit nga të gjitha detyrimet fiskale deri në 31 dhjetor 2020 (përfshirë taksat lokale dhe taksën e pronës)

2-Subvencionimin e pagave edhe për punonjësit e bizneseve të mëdha turistike të larguar nga puna pas datës 10 prill 2020

3-Ngrirjen e kësteve dhe krijimi i kushteve për kreditë të buta për sektorin e akomodimit.

-Propozojmë të shtyhen afatet e pagesave të kredive të paktën deri në 30 mars 2021, qeveria duhet të mbulojë me grante nga BE interesin e stokut të kredive në këtë industri.

-Të rritet kapitali i garancisë sovrane dhe tu krijohet mundësi kreditimi hoteleve nga kjo garanci deri 20% të të ardhurave të realizuara në vitin 2019 me interes zero dhe gres periode deri në 2 vjet në mënyrë që të shpëtojë falimenti.

4-Mbështetje nga qeveria me pagesa të sigurimeve shoqërore të hoteleve që kanë profil sezonal dhe kryesisht ato që nuk kanë biznes të dytë gjatë periudhës së dimirt.

5-Zbritja e TVSH nga 20% në 10 % edhe për hallkat e tjera të turizmit që nuk janë përfshirë në reduktimin e TVSH.

Stimuli i turizmit të brendshëm nëpërmjet subvencioneve

6-Bonus për turistët vendas që do bëjnë pushime në Shqipëri.