“Plasin” vjedhjet në Fier dhe në Lushnje, rojet grabisin në vendin e punës

Arrestohet shtetasi me iniciale A.Ç., 23 vjeç, i cili është kapur duke vjedhur material hekuri në kompaninë ku punpnte, në qytetin e Fierit.

Ky shtetas punonte me shërbim si roje, pranë një kompanie private, në fshatin Jagodinë Fier.

Ndërkohë, në qytetin e Lushnjes u arrestua shtetasi me iniciale D.K., 24 vjeç, i ciliu kap në flagrancë duke vjedhur një sasi lekësh në magazinën e shtetasit P.M., në fshatin Bubullimë.

Njoftimi i plotë i policies:

Specialistët për hetimin e Krimit Ekonomik e Financiar në DVP Fier, ndaluan shtetasin A. Ç., 23 vjeç, banues në Fier, punonjës i një kompanie SHPSF. Ndalimi i këtij shtetasi u bë pasi duke qënë i planifikuar me shërbim si roje sigurie pranë një kompanie private, në fshatin Jagodinë, Fier, është kapur duke vjedhur materiale hekuri.

Specialistët për hetimin e krimeve në Komisariatin e Policisë Lushnjë, arrestuan në flagrancë shtetasin D. K., 24 vjeç, banues në Lushnjë. Arrestimi i këtij shtetasi u bë pasi në fshatin Bubullimë u kap duke vjedhur një sasi lekësh në magazinën e shtetasit P. M.

Materialet i kaluan Prokurorisë për veprime të mëtejshme proceduriale.