Gazetari Alfred Lela ka publikuar akt-ekspertizën e mjekut ligjor shtetëror për dhunën e ushtruar ndaj tij, nga policia gjatë protestës kundër shëmbjes së teatrit.
Akt-ekspertiza e mjekut ligjor konsiston në një sërë shenjash dhune në sipërfaqe të trupit, si: maviosje, gërvishtje, humbje ekuilibri dhe marrje mendsh gjatë lëvizjes së qafës.
Postimi i plotë i gazetarit Lela:
Eksperti mjeko-ligjor (i shtetit) ka parë këto shenja dhe të tjera, që specifikohen në raportin zyrtar, që Rama, Lleshi e të tjerë lokalë, por edhe ndërkombëtarët, të cilat e ngrenë zërin edhe për macet e humbura, nuk ua kanë zënë sytë.
Ja ku i kanë, në rrugë e sipër për në gjykatë. Ndoshta nuk i sheh as gjykata. Të gjithë këta bashkë mund të mos kenë sy, por, sa për vete, atë zë që kam nuk ma heshtin dot.
