LIGJET E BIZNESIT
U zbardh arsyeja e vdekjes së dy binjakëve 5-muajsh në Berat. Në Prokurorinë e Rrethit Gjyqësor Berat kanë mbërritur analizat bakeriologjike, fizike e kimike të vdekjes së dy foshnjeve, ngjarje e rëndë që ndodhio në janar të ëtij viti.
Sipas përgjigjeve të analizave, në organizmin e foshnjeve nuk kanë rezultuar mbetje toksike, gjithashtu as qumështi me kuti, që përdorej për ushqimin e tyre nuk ka pasur element toksikë.
Sipas analizave të kryera në Institutin e Mjekësisë Ligjore në Tiranë, dhe që tashmë kanë mbërritur zyrtarisht pranë institucionit të Prokurorisë së Beratit, ka rezultuar se vdekja e dy foshnjeve 5-muajshe ka qenë aksidentale dhe ka ardhur për shkak të asfiksimit nga mungesa e ajrit. Mbulimi i tepërt i fëmijëve me batanije, pas ushqyerjes së tyre ka sjellë-sipas ekspertëve-asfiksimin e foshnjeve dhe vdekjen e tyre.
Ngjarja e rëndë ndodhi mëngjesin e 26 janarit të këtij viti në lagjen “Uznovë” në qytetin e Beratit. Nëna e foshnjeve 5-muajshe Merushe Agalliu, pasi kishte ushqyer fëmijët e saj binjakë me qumësht kutie, i kishte vendosur ata në krevatin e tyre për të fjetur, por siç edhe ka nxjerrë përfundimi i mjekësisë-ligjore, ajo i kishte mbuluar më tepër seç duhet fëmijët dhe kjo ka sjellë asfiksimin e tyre në gjumë dhe më pas vdekjen.
Fëmijët mbërritën pa jetë në Spitalin Rajonal të Beratit dhe prindërit e tyre, Eduart e Merushe Agalliu kanë pasur asokohe dyshime se vdekja mund të kishte ardhur për shkak të helmimit të qumështit me kuti që përdornin për ti ushqyer fëmijët që nga dita e tyre e lindjes.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Foshnjat binjake jetonin me prindërit Eduard dhe Merushe Agalliu dhe me motrën 6-vjeçe dhe vëllain 5-vjeç në një banesë dy katëshe në periferi të qytetit, në lagjen “Uznovë”
