Vazhdojnë arrestimet për grupin që trafikonte emigrant nga vendet e Lindjes për në Shqipëri dhe për t’i dërguar në shtetet e Bashkimit Europian
Deri më tani, dy persona janë ndaluar dhe 6 janë shpallur në kërkim, në kuadër të operacionit “Toka e Premtuar”.
Gjithashtu, janë sekuestruar në cilësinë e provës material 2 celularë, disa leje qëndrimi të emigrantëve, fatura bankare dhe mandate tërheqjeje shumash monetare nga agjencitë e transfertave të parave.
Të arrestuarit janë Suela Kaçbani, 31 vjeçe dhe 41 vjeçari nga palestina.
Kaçbani është motra e Drejtoreshës së Kufirit dhe Emigracionit, Enkeleida Toska, e cila u pezullua dy ditë më parë nga detyra pasi dyshohet se ajo ka favorizuar trafikun
Ndërkohë, dyshohet se Toska bashkë me të tjerë, bënin të mundur ardhjen në Shqipëri në mënyrë të organizuar të personave dhe grupeve të personave, kryesisht me origjinë nga Lindja e Mesme dhe vendet e Afrikës Veriore, nëpërmjet kompanive konsulente.
Me herët SHÇBA ka arrestuar dhe pezulluar nga detyra zyrtarët e tjerë që janë Altin Hasani, Shefi i sektorit Besnik Zela, Shefi i sektorit, Albana Metko, Shefe e Seksionit, Adelina Lita, Specialiste.
Zyrtarët e lartë të policisë pritet të dalin para gjykatës për masë sigurie, por me arrestimet e kësaj të premteje, 5 qershor 2020, çështja pritet dhe t’i kalojë SPAK duke qenë se bëhet fjalë për implikim të funksionarëve shtetërorë.