LIGJET E BIZNESIT
Kryeministri Edi Rama tha mbrëmjen e sotme në Opinion se me reformën zgjedhore po ndodh ajo që u tha qartë edhe nga Ambasadorja e SHBA se topi është në fushën e PD.
Rama tha se mazhoranca ka bërë të gjitha konçensionet e arsyeshme dhe kemi në dorë një produkt të mirë.
“Nëse do ti qëndronim strikt kornizës së OSBE/ODIHR ne nuk duhej të pranonim përfshirjen e teknologjisë në zgjedhje. Ne kemi bërë një studim shumë serioz pas zgjedhjeve të 2017 për ta aplikuar në 2019. Unë jam pesimist se mund të shkojmë drejt teknologjisë menjëherë, dhe këtë e thotë edhe ODIHR. Problemi që sot kemi është koha për ta aplikuar teknologjinë. Ne kemi bërë simulime në PS lidhur me këtë proces, dhe nga kontaktet që kemi pasur me kompanitë që ofrojnë këto shërbime, duhen minimalisht 6 muaj”, tha Rama.
Sipas tij, referuar procedurave, do të jetë e pamundur që teknologjinë ta aplikojmë në zgjedhjet që do të mbahen mes 15 prillit dhe 15 majit.
“E gjithë procedura përfundon në fund të janarit dhe nëse shpallet kompania fituese I mbetet shkurti dhe marsi për të garantuar teknologjinë. I gjithë procesi do të ndiqet hap pas hapi nga personi që do të zgjedhi vetë opozita. Nëse bëhet teknologjia malet tona sa më të larta, nuk u bë teknologjia, atëherë nuk dëgjojmë më gërr gërre se qeveria e sabotoi”, tha Rama.
