Është ndarë nga jeta në mënyrë të papritur studiuesi i njohur shqiptar Agron Fico.
Ai njihej gjerësisht si një prej dijetarëve që ia kushtoj jetën trashëgimisë folklorike të vendit tonë.
Lajmin e hidhur e bën të ditur Akademia e Shkencave, teksa njofton se profesori mbylli sytë në moshën 86-vjeçare.
Ky institucion vlerëson maksimalisht figurën e Ficos, kontributin që ai ka dhënë në trashëgimin shpirtëror të popullit shqiptar.
Fico njihet ndryshe si “profesori që u mësoi shqip kinezëve dhe amerikanëve”.
Studiuesi i njohur është nderuar edhe me “Çmimin e Republikës” dhe me mirënjohjen më të lartë universitare të Kinës për arritje akademike.
Ai është bashkëthemeluesi i katedrës së gjuhës shqipe në Pekin, dhe 50 vite më vonë themeloi edhe katedrën e shqipes në Boston, ndaj ai është quajtur edhe ” “profesori që u mësoi shqip kinezëve dhe amerikanëve”.
Emri i tij gjendet midis emrave të profesorëve më të shquar universitarë amerikanë në leksikonin “Ëho’s Ëho Among American’s Teachers” (bot. 2000).
Disa nga veprat e prof. Agron Ficos:
“Profesor në tre kontinente” (SHBA 2004);
“Diaspora e rilindur” (Tiranë 2006);
“Rilindja e Shqipërisë etnike” (Tiranë 2009);
“Beautiful America” (Tiranë 2014);
“Zbulimi i eposit shqiptar në Harvard” (Tiranë 2016).
Tekste shkollore dhe universitare për të huajt:
“Gjuha shqipe”, metodë për studentët amerikanë;
“Unë flas shqip”, metodë e gjuhës shqipe për të huaj;
“Metodë e gjuhës shqipe”, I-IV, tekst për studentët kinezë;
“Histori e Shqipërisë”, tekst për studentët amerikanë.
