Një aksident i rëndë automobilistik ka ndodhur paraditen e sotme në Rinas.
Mësohet se dy makina janë përplasur me njëra-tjetrën, në njërën prej të cilave po udhëtonte nëna me dy fëmijët 15 dhe 13 vjec, të cilët janë dërguar menjëherë në spital.
Sipas informacioneve të policisë dy të miturit ndodhen jashtë rrezikut për jetën.
Ndërkohë grupi hetimor ndodhet në vendngjarje dhe vijon punën për zbardhjen e rrethanave dhe shkaqeve të aksidentit.
NJOFTIMI ZYRTAR I POLICISE
Më datë 01.06.2020, rreth orës 07:17, në rrugën e re të Rinasit, mjeti me drejtues shtetasin V.S., është përplasur me mjetin me drejtuese shtetasen A.M., ku si pasojë janë dëmtuar pasagjeret në mjet një 15 vjeçar dhe një 13 vjeçar, te cilet u dërguan në spital, dhe ndodhen nën kujdesin e mjekëve, jashtë rrezikut për jetën. Të dy drejtuesit e mjeteve ndodhen në vendngjarje për sqarimin e metejeshme të ngjarjes. Grupi hetimor dhe shërbimet e Policisë vijojnë punën për zbardhjen e rrethanave të ngjarjes.
