Mbyllja e reformës zgjedhore, Meta bën paralajmërimin e radhës për të dyja palët

Në konferencën për mediet vetëm pak minuta më parë, Presidenti Ilir Meta u shpreh se pret mbylljen e marrëveshjes për reformën zgjedhore brenda 31 majit.

Por Meta deklaroi se ai pret konsensus nga palët dhe se serioziteti i tyre do të mbetet për tu provuar.

“Si presidenti i Shqipërisë kam respektuar institucionet e Kosovës, duhet të mbizotërojë sjellja europiane ndaj institucioneve. Së dyti, cështja e Kodit zgjedhor, edhe unë jam i kënaqur që ndje në media që ka përparime, mezi pres që palët të mbajnë fjalën dhe ta mbyllin me 31 maj me konsensus ndryshimet që kërkohen me ngulm nga BE-ja dhe partnerët e tjerë dhe menjëherë do të firmos këto ndryshime që të japim një lajm të mirë. Pavarësisht se do të jetë i pamjaftueshëm për atë që pritet, pasi serioziteti do të verifikohet në terren” tha ai.