Romë/ Qytetarët në panik, 5 vatra zjarresh në pak orë

Brenda pak orësh kanë shpërthyer pesë vatra zjarri në zona të ndryshme të Romës. Sipas autoriteteve, mësohet se zjarret nisën që në orët e para të mëngjesit. Ndërkaq, policia u njoftua për një vatër në Tuscolana rreth orës 06:30.

Ndërkaq, pak më vonë shpërtheu një zjarr në adresën “della Magliana 361”, në një magazinë të vjetër, duke shkrumbuar edhe disa makina e motorë që ishin parkuar aty pranë.

Kjo e mërkurë e pazakontë ka qenë tepër e ngarkuar për ekipet zjarrfikëse në Romë. Por rreth mesditës kanë shpërthyer edhe dy vatra të tjera.

Flakët e shumta kanë shkrumbuar dy depo në periferi të qytetit.

Zjarrfikësit kanë marrë gjithashtu edhe telefonta për një zjarr të rënë në  “Municipio Roma VI”.

Sipas autoriteteve zjarret nuk kanë lidhje me njëri-tjetrin.