Nuk janë të pakta rastet kur Policia Bashkiake në Tiranë sulmon qytetarë të ndryshëm të cilët për të fituar bukën e gojës duhet të shesin diçka ose të mbledhin kanaçe nëpër kazanët e plehrave.
Rasti më i fundit ka ndodhur në zonën e Kombinatit në kryeqytet, ku britmat e një qytetari kanë tërhequr vëmendjen e kalimtarëve.
“Aman mo, më lini aman” thërret ai teksa efektivët e sulmojnë dhe e tërheqin me forcë.
Ata e shtrijnë në tokë dhe ai i pyet me përgjërim se çfarë janë duke bërë.
Pamjet i ka publikuar Lëvizja Rinore Egjiptiane, e cila i kërkon llogari institucioneve se përse nuk reagojnë kur shohin momente të tilla ndaj komunitetit të tyre dhe jo vetëm.
