Shënohet viktima e 30 nga koronavirusi në Kosovë, humb jetën 59-vjeçari

Pasditen e së hënës ka humbur jetën si pasojë e koronavirusit një 59-vjeçar në Kosovë. Pacienti ndodhej në Klinikën Infektive të Qendrës Klinike Universitare të Kosovës.

Sipas Ministrisë së Shëndetësisë, pacienti A.H. nga komuna e Prizrenit, i diagnostifikuar me COVID-19, nuk ka mundur të shpëtojë, pavarësisht kujdesit mjekësor.

Njoftimi i MSH:

I njëjti po trajtohej prej ditësh në Mjekimin intensiv të Klinikës Infektive dhe kishte edhe sëmundje tjetër shoqëruese.

NË Kosovë janë testuar deri më tani në Laboratorin e Mikrobiologjisë Molekulare në IKSHP me metodën RT-PCR 13.262 persona dhe 1.032 kanë rezultuar pozitivë me SARS-Co-2.

Numri total i viktimave në Kosovë është 30 dhe njoftohet se shumisa e personave që kanë ndërruar jetë kanë pasur sëmundje të tjera shoqëruese.