Vr’asja e djalit të doktorit në Vlorë, këto janë pistat kryesore ku po heton policia

Orët e para të mëngjesit të djeshëm një krim i rëndë tronditi Vlorën.

Kristjan Breshanaj, i biri i një doktori të njohur në qytet, u ekzekutua me 5 plumba kallashnikovi shumë pranë banesës.

Më pas, pak orë pasi u shënua dhe krimi, policia gjetu një makinë me targa greke të djegur, ndërsa brenda ishte një armë automatike që dyshohet se është përdorur për të kryer vrasjen.

I riu që u ekzekutua kishte vetëm 3 muaj që kishte ardhur nga Belgjika dhe kjo duket se përbën edhe pistën e parë të hetimit të policisë, për të parë nëse viktima ishte përfshirë ose jo në aktivitete kriminale në vendin europian.

Burime policore bëjnë me dije se gjithashtu po hetohet mbi konflikte të mëparshme të viktimës, por edhe të shkuarën e tij, ku është raportuar se para disa vitesh është arrestuar për narkotikë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pas krimit u shoqëruan rreth 14 persona, me cilësinë e personave që mund të kishin dijeni mbi ngjarjen, apo detaje që mund të çojnë në zbardhjen e krimit.