Çfarë do të ndodhë nga 1 qershori? Rama flet dhe për plazhet: Do të hapen vetëm për…

Si një nga vendimet të pritura më shumë për shqiptarët, kryeministri Edi Rama ka njoftuar edhe për hapjen e plazheve në vend.

Sipas tij nga data 1 qershor plazhet do të hapen por vetëm për hotelet.

Ndërsa përsa i përket qytetarëve të tjerë, ata mund të frekuentojnë lirisht bregdetin pas datës 10 qershor.

Kreu i qeverisë tha se këtë vit plazhet do të jenë të zbrazura nga shezlonget dhe çadrat me pagesë.

“Këtë javë ne mbyllim edhe sistemin administrimit të plazheve. Parimin e rënës se xanun me çadra e shezlonge do ta ndëshkojmë. Ne do t’i hapim nga një qershori vetëm për hotelet, dhe pas 10 qershorit për të gjithë. Ne duam që hoteleria shqiptare të punojë dhe të mos konkurrohet në mënyrë të padrejtë. Ne duam që shqiptarët që shkojnë në plazh, ta kenë këtë mundësi dhe askush të mos i vendosë taksën e të fortit. Shumë kush ka filluar ta tallë armikun e padukshëm, por rreziku mund të jetë katastrofik”, deklaroi Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern