Plumbat që tronditën Laçin/ Dalin emrat, ja kush janë dy personat e plagosur

Kanë dalë detaje të reja nga plagosja e ndodhur në Kurbin mbrëmjen e sotme.

Mësohet se nga të shtënat kanë mbetur të plagosur shtetasit Elton Zyka 21-vjeç dhe Klevis Lika  40-vjeç.

Menjëherë pas marrjes së plumbave, ata janë nisur me urgjencë për në Spitalin e Traumës në Tiranë.

Forcat e policisë kanë mbërritur në vendngjarje dhe po kryejnë verifikimet e mëtejshme për zbardhjen e plotë të rrethanave të plagosjes.

NJOFTIMI ZYRTAR I POLICISE

Kurbin

Plagosen me armë zjarri dy të rinj, Policia zbardh menjeherë ngjarjen, identifikon dhe shpall në kërkim autorin e dyshuar.

Rreth orës 22:05, në afërsi të  Mamurrasit,  Kurbin,  në një rrugë rurale, në  rrethana ende të paqarta mbetën të plagosur me armë zjarri shtetasit  K.L.,21 vjeç dhe E.Z.,21 vjeç, banues në Mamurras, të cilët janë dërguar për ndihmë mjekësore në  spitalin e Traumës.

Shërbimet e Policisë shkuan  menjëherë në vendngjarje dhe falë veprimeve të shpejta bënë të mundur identifikimin e autorit të ngjarjes shtetasin E.N, 22 vjeç.

Janë ngritur pika konrolli  dhe vijon kontrolli i zonës.

Grupi hetimor ndodhet në vendngjarje dhe nën drejtimin e Prokurorisë vijon puna për  zbardhjen e plotë të shkakut dhe rrethanave të ngjarjes.

Shërbimet e policisë po krehin zonën me qëllim kapjen e autorit.