Vijojnë perlat e deputetëve nga foltorja e Kuvendit të Shqipërisë.
Rasti më i fundit është ai në seancën e sotme, ku deputeti Ervis Meco, i cili është futur nga rradhët e PD, nuk ka hezituar të bëjë gafën e rradhës.
Ai ka vendosur të recitojë me pathos vargjet e poemës së njohur “O moj Shqypni”, për të përcjellë realitetin që na shoqëron dita-ditës në vendin tonë.
Por në fund ai thotë se këto vargje i ka shkruar At Gjergj Fishta.
Për të gjithë ata që e njohin mirë letërsinë, e dinë që vepra është shkruar nga Pashko Vasa.
“Ah moj Shqypni e mjera Shqypni, kush të ka qit me krye n’hi, ti ke pas qenë një zonjë e randë, burrat e dheut të thërrisnin nanë”…për çfarë burra e ka patur fjalën At Gjergj Fishta? Burra dinjiteti besoj, si ata që i gjenë në letërsi, e jo këta modernët e sotëm, që çorapet Armani i blejnë për të mbuluar thonjtë e këmbëve të vrara për origjinën e punës para viteve ’90”-tha ai.
Nuk e dimë nëse i ka thënë dikush nga kolegët deputetit se cili është autori i vërtetë, por ajo që mund të themi është se nuk është hera e parë që në foltoren e Kuvendit lëshohen gafa të tilla.
