Nesër ndryshimet e reja/ Këto janë bizneset që do hapen, ja qytetet ku nuk do ketë më nevojë për autorizim

Duke nisur nga dita e nesërme (11 maj) , në zonën e gjelbërt do të shtohen dhe 14 bashki të tjera, pasi kanë pasur raste minimale me koronavirus së fundmi.

Aty do të lejohet transporti ndërqytetas me makinë private, dhe do të lejohen anëtarët e më shumë se dy personave nga e njëjta familje deri në orën 21:00.

Deri më tani e gjithë Shqipëria është shpallur zonë e gjelbër, me përjashtim të Tiranës, Shkodrës, Durrësit, Fierit, Krujës dhe Kurbinit.

Pra përjashtuar këto qarqe, në të gjithë pjesën tjetër të Shqipërisë lëvizet me këmbë dhe makina pa autorizim dhe nuk do të ketë kufizime për fundjavën.

Nga ana tjetër do të ketë lehtësime dhe për bizneset të cilët do të rifillojnë aktivitetin e tyre po nesër.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pra, do të hapen biznese të rëndëishme si: klinikat dentare, parukeritë si dhe disa dyqane brenda qendrave tregtare.

Shoferët nuk do të kenë më nevojë për autorizim që të qarkullojnë me makinë.

Brenda “zonave të kuqe”, qarkullimi do të lejohet nga ora 05:00 deri në 17:30.

Gjithashtu nesër do të nisë dhe vetëkarantinimi në banesë për të gjithë personat që do të riatdhesohen nga vendet jashtë Shqipërisë.