LIGJET E BIZNESIT
Qeveria e Maqedonisë së Veriut ka marrë një vendim të ri, duke ulur Tatimin mbi Vlerën e Shtuar (TVSH) për karburantet nga 18% në 10%. Sipas vendimit, çmimet e benzinës nuk pritet të ndryshojnë, ndërsa çmimi i naftës pritet të rritet për rreth tre denarë. Vendimi do të hyjë në fuqi nga mesnata e së hënës dhe do të jetë i vlefshëm për një periudhë prej dy javësh.
Qeveria theksoi se kjo masë është ndërmarrë me qëllim stabilizimin e tregut dhe mbrojtjen e konsumatorëve nga rritjet e mëtejshme të çmimeve.
“Me këtë masë presim që çmimi i benzinës të mbetet pothuajse i pandryshuar, ndërsa nafta të shtrenjtohet për rreth 3 deri në 3,5 denarë për litër”, ka deklaruar kryeministri, Hristijan Mickoski.
Kreu i qeverisë shtoi se, “me këtë vendim u kursejmë qytetarëve afërsisht 200 mijë euro në ditë, ose diku rreth një milion e gjysmë euro në javë, duke marrë parasysh që konsumi mesatar është diku rreth një milion e gjashtëqind mijë litra, nga të cilat një milion e dyqind litra janë naftë, afërsisht 75%, dhe katërqind mijë litrat e mbetura janë benzinë me 95 dhe 98 oktanë”.
Mickoski nënvizoi edhe faktin se meqenëse Maqedonia e Veriut ka çmimet më të ulëta të karburantit në rajon është nën presion nga vendet fqinje. “Qytetarë nga vendet fqinje që vijnë tek për t’u furnizuar me karburant, prandaj, dhe sipas informacionit që kemi, konsumi është rritur me afërsisht 9%, krahasuar me ditët e zokonshme. Rreth 150 mijë litra mbushen shtesë nga qytetarët e vendeve fqinje, ku presioni më i madh është në komunat kufitare”, u shpreh kryeministri i Maqedonisë së Veriut.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
