LIGJET E BIZNESIT
Kryesisht enë kuzhine, piktura, produkte artizanale e kozmetike, rroba dhe elektroshtëpiake. Janë këto produktet më të shitura “online” në Shqipëri kohët e fundit.
“Nga ajo që pamë, mbi 90 për qind e bizneseve shprehen se shesin “online”. Kryesisht për mes Instagram dhe rrjeteve të tjera sociale. Kjo ka nevojë për analiza më të thella. Gjithsesi vihet re një tendencë për të shkuar te shitjet “online”, deklaroi Valer Pinderi, kryetar i shoqatës AECA.
Rezultatet e një ankete të zhvilluar nga Shoqata Shqiptare e Tregtisë Online tregojnë se pjesa më e madhe e shitjeve kryhen në Instagram, ndjekur nga Facebook, e Tik-Tok.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ajo që kem i vënë re është se diku te 17 për qind e të anketuarve nuk kanë blerë asnjë gjë online. Pjesa tjetër po. Qoftë edhe në “booking” apo nëpërmjet Instagramit. Ato gjithsesi numërohen si shitje online”, tha Pinderi.
Ndërkohë, me gjithë përparimin, pagesat në dorë vijojnë të mbizotërojnë gjatë shitjeve dhe blerjeve online.
“Një element tjetër i rëndësishëm është fati se vetë 25 për qind e të pyeturve preferojnë pagesën me “cash”, ndërkohë në Shqipëri, kompanitë shesin mbi 90 për qind me cash. Kjo do të thotë se shumica e njerëzve në Shqipëri përdorin “cash”, ndërsa për blerje nga jashtë kartat bankare”, theksoi Pinderi.
Të dhënat paraprake nga Autoriteti i Komunikimeve Elektronike dhe Postare tregojnë se vitin e shkuar u shitën “online” gati 30 mijë pako, rreth 20 për qind më tepër se gjatë 2022-shit./A2 CNN
