LIGJET E BIZNESIT
Korridori VIII, me pikënisje në kompleksin portual Durrës-Porto Romano dhe dalje në Detin e Zi është përfshirë zyrtarisht në planet dhe infrastrukturën kritike ushtarake të NATO-s, duke u njohur si korridor sigurie për mbrojtjen kolektive të Aleancës. Kryeministri Edi Rama, ndau në rrjetet sociale disa nga veprat që janë studiuar, projektuar dhe po zbatohen nga Ministria e Infrastrukturës dhe Energjisë, si vepra përbërëse të këtij Korridori. Në veprat e ndërtuara dhe ato në proces në terren, përfshihen autostrada moderne, ndërtimi i portit strategjik të Porto Romanos, si dhe hekurudhat e mbështetura nga BE.
“Korridori VIII, pjesë e rrjetit europian TENT, tashmë i certifikuar si korridor sigurie për forcat e NATO-s”- shkruan kryeministri Rama.
Korridori VIII, është një nga projektet bërthamë të infrastrukturës, i cili ndërlidhet me tre rrjete të tjera të rëndësishme rrugore si dhe me Korridoret 4, 9 dhe Rrjetin TransEuropian.
Përfshirja e Korridorit të VIII si korridor sigurie për forcat e NATO-s, e pozicionon Shqipërinë në një nyje strategjike të arkitekturës së sigurisë euroatlantike, dhe e vendos vendin në qendër të planeve rajonale dhe infrastrukturave, ku NATO do të përqendrohet në vitet e ardhshme. Ky korridor, wshtw një nyje rrugore dhe hekurudhore që nis në Brindisi në Itali, kalon nëpërmjet Shqipërisë, Maqedonisë së Veriut dhe përfundon në portet e Bullgarisë.
Vendimi për njohjen zyrtarisht si korridor sigurie për mbrojtjen kolektive nga NATO, u mor në Bruksel nga ministrat e Mbrojtjes të vendeve anëtare të aleancës, ku i pranishëm ishte edhe ministri shqiptar i Mbrojtjes, Pirro Vengu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
