LIGJET E BIZNESIT
Shqipëria përkeqësohet në renditjen e “Transparency International” lidhur me korrupsionin. Një raport që publikohet çdo vit dhe që vlerëson perceptimin e korrupsionit në të githa vendet.
Raporti i sapopublikuar për vitin 2025 e rendit Shqipërinë në vendin e 91 në botë nga 180 gjithsej, me 39 pikë, me një pikëzim nga 0-100, ku 100-ta tregon nivel zero të korrupsionit në një shoqëri të caktuar. Në raportin e mëparshëm, vendi ynë grumbullonte 42 pikë, duke shënuar një përkeqësim këtë vit, si dhe renditej në vendin e 80-të.
Nga ana tjetër, Kosova po ashtu, ka shënuar një rënie për një pikë krahasuar me vitin paraprak dhe është vlerësuar me 43 pikë në Indeksin e Perceptimit e Korrupsionit për vitin 2025 të organizatës ndërkombëtare, Transparency International. Në vitin 2024, Kosova mori vlerësimin prej 44 pikësh, duke zënë vendin e 73-të në botë. Kjo pasi shënoi një përparim të lehtë në luftimin e korrupsionit krahasuar me vitin 2023, kur ishte vlerësuar me 41 pikë.
Krahasuar me rajonin, ne renditemi më mirë se Bosnje Hercegovina dhe Serbia. Bosnje Hercegovina renditet në vend të 109-të, duke u vlerësuar me 34 pikë dhe duke shënuar një përmirësim. Sërbia ndërkohë ka shënuar përkeqësim duke u renditur e fundit në rajon me 33 pikë.
Maqedonia e Veriut dhe Mali Zi nuk kanë shënuar ndryshime në vlerësim duke marrë 40 dhe 46 pikë respektivisht.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Raporti i vitit 2025 tregon se korrupsioni mbetet një kërcënim serioz në çdo pjesë të botës, megjithëse ka shenja të kufizuara progresi.
Mes rrjeshtash theksohet se udhëheqësit duhet të veprojnë për të trajtuar abuzimet me pushtetin dhe faktorët më të gjerë që nxisin këtë rënie, siç është zvogëlimi i kontrolleve dhe balancave demokratike dhe sulmet ndaj shoqërisë civile të pavarur.
