LIGJET E BIZNESIT
Kompania Danone ka njoftuar tërheqjen nga tregu të një serie të produktit të qumështit pluhur Aptamil 1, si masë paraprake sigurie, për shkak të dyshimeve se një pjesë e prodhimit mund të përmbajë mikroorganizma ose baktere.
Sipas njoftimit zyrtar, seria e dyshuar është 10.11.25, megjithatë kompania thekson se deri më tani nuk ka raportime zyrtare për praninë e ndotjes, dhe masa konsiderohet preventive, deri në përfundimin e analizave laboratorike.
Produkti shitet edhe në tregun vendas, ndaj tregtarët janë ftuar të ndalojnë shitjen dhe të tërheqin sasitë nga raftet.
Një prej kompanive që ka reaguar është Rossmann Lala, e cila njofton se ka tërhequr jo vetëm serinë e dyshuar, por të gjithë sasinë e produktit Aptamil 1 nga rrjeti i dyqaneve të saj, si masë shtesë sigurie.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ne kemi hequr nga tregu të gjithë sasinë e Aptamil 1, jo vetëm serinë e prekur”, konfirmon kompania.
Gjithashtu, Rossmann Lala informon konsumatorët se çdo produkt i blerë në dyqanet e saj do të rimbursohet, duke garantuar transparencë dhe mbrojtje të interesit të klientëve.
Duke qenë se produkti shitet në marketet, farmacitë dhe dyqanet e specializuara, konsumatorët ftohen të verifikojnë kodin e serisë së produktit dhe të mos e konsumojnë qumështin deri në përfundimin e analizave përfundimtare./A2 CNN
