Prindër: Si të përfitoni nga “zbritjet për fëmijët” në 2026

Nga Ergis Sefa

Nga detyrimi te zgjidhja: si ndihmojnë pikat EasyPay

Nga ky vit, deklarata DIVA nuk është thjesht një detyrim ligjor, por një mundësi rimbursimi.

Kjo bazuar në Ligj 29/2023 “Për Tatimin mbi të Ardhurat” (i ndryshuar), neni 22, pika 1/ç si dhe pika 2.

Ja çfarë mund të përfitoni:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

1. Zbritja nga baza e tatueshme për fëmijët (48,000 Lekë)

Çdo prind që ka fëmijë nën moshën 18 vjeç, ka të drejtë të zbresë nga baza e tij e tatueshme 48,000 Lek/vit për çdo fëmijë.

Kush përfiton? Kushdo, pavarësisht nivelit të pagës!

Edhe nëse nuk keni detyrim për plotësim të DIVA (të ardhura individuale bruto nën 1.2 milion lek/vit), plotësojeni të përfitoni.

2. Zbritja për shpenzime arsimore (Deri në 100,000 Lekë)

Nëse të ardhurat tuaja vjetore bruto janë nën 1.2 milionë lekë, ju mund të zbrisni edhe shpenzimet për shkollimin e fëmijëve (shkolla private, kurse private, etj.).

Limit: Deri në 100,000 lek/vit (pavarësisht numrit të fëmijëve).

GJËRA QË DUHET TË KEMI PARASYSH:

• Në një çift bashkëshortësh, zbritjen duhet ta kërkojë prindi që ka të ardhurat më të larta. Kjo maksimizon vlerën e rimbursimit.

• Edhe nëse nuk e keni detyrim plotësimin e DIVA-s (psh. fitoni nën 1.2 mln lekë dhe jeni të vetëpunësuar), ju duhet ta plotësoni atë vullnetarisht për të kërkuar paratë mbrapsht. Tatimet nuk i kthejnë automatikisht!

• Për shpenzimet arsimore, duhet të keni ruajtur çdo faturë tatimore dhe mandat pagese të vitit 2025. Kontratat me shkollat gjithashtu.

• Pritet që tatimet ta aktivizojnë sistemin nga data 22 Janar 2026 dhe afati i fundit për dorëzimin e DIVA është 31 Mars 2026.

• Sigurohuni që fëmijët tuaj të jenë të regjistruar saktë në certifikatën tuaj familjare në sistem, pasi të dhënat merren automatikisht.

Link i sistemit të tatimeve ku bëhet deklarata DIVA:

https://www.tatime.gov.al/c/7/153/per-individe