Dalin statistikat: Të rinjtë deri 24 vjeç, shkaktarët kryesorë të aksidenteve në Shqipëri

Mbi 83% e aksidenteve rrugore në Shqipëri shkaktohen nga të rinjtë e moshës deri në 24 vjec. Të dhënat janë publikuar nga Instituti i Statistikave. INSTAT raporton se muajin nëntor 2025 janë regjistruar 101 aksidente rrugore, nga të cilët 132 persona janë të aksidentuar (të vrarë dhe të plagosur). Ndërsa për periudhën 11 mujore të vitit që lamë pas, numri i aksidenteve rrugore është ulur me 17,9 %, krahasuar kjo me një vit më parë.

“Aksidentet rrugore, në 83,2 % të rasteve, kanë ndodhur si pasojë e sjelljes së drejtuesve të mjeteve. Numri më i lartë i aksidenteve, në këtë periudhë, është shkaktuar nga grup-mosha 0-24 vjeç, e cila përbën 28,7 % të numrit total të aksidenteve”, theksohet në raportin e INSTAT.

Në muajin Nëntor 2025, numri më i lartë i aksidenteve rrugore ka ndodhur përgjatë ditës së shtunë me 17,8 %, ndërsa numri më i ulët i aksidenteve ka ndodhur përgjatë ditës së mërkurë me 9.9 %

Të dhënat e detajuara të INSTAT tregojnë se numri më i lartë i aksidenteve rrugore ka ndodhur përgjatë harkut kohor 14:00-17:00, duke zënë 21,8 % të numrit të aksidenteve rrugore gjithsej.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern