LIGJET E BIZNESIT
Administrata Tatimore informon të gjithë tatimpaguesit se, duke filluar nga data 1 janar 2026, procedura për zbatimin e Marrëveshjes për Eliminimin e Tatimit të Dyfishtë do të realizohet ekskluzivisht online, përmes platformës digjitale të Administratës Tatimore.
Për këtë qëllim, tatimpaguesit duhet të plotësojnë formularin përkatës elektronik dhe të ngarkojnë dokumentacionin shoqërues të kërkuar, në përputhje me kriteret, procedurat dhe afatet e përcaktuara në legjislacionin tatimor në fuqi dhe aktet nënligjore përkatëse.
Ngarkimi elektronik i dokumentacionit duhet të kryhet brenda afateve ligjore, me qëllim përfitimin e lehtësive tatimore që rrjedhin nga zbatimi i marrëveshjeve për shmangien e tatimit të dyfishtë.
“Në rastet kur sistemi informatik tatimor nuk mundëson përkohësisht ngarkimin elektronik të dokumentacionit, ose paraqiten probleme teknike të verifikuara, tatimpaguesi ka të drejtë të dorëzojë dokumentacionin e kërkuar me shkresë zyrtare, në formë fizike, pranë Drejtorisë së Përgjithshme të Tatimeve, duke referuar arsyen e pamundësisë së dorëzimit elektronik. Administrata Tatimore fton tatimpaguesit të informohen paraprakisht mbi mënyrën e përdorimit të platformës digjitale dhe dokumentacionin e nevojshëm përmes udhëzuesit zyrtar të publikuar në faqen e youtube”, theksojnë Tatimet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Udhëzues për ngarkimin e dokumentacionit në platformën digjitale:https://www.youtube.com/watch?si=uQC_jKjVBgframQ0&v=7oejt9tAHVo&feature=youtu.be
