LIGJET E BIZNESIT
Përkeqësohet situata e Shqipërisë në tregtinë e jashtme. Të dhënat e fundit të Institutit të Statistikave tregojnë se për 11-muajt e këtij viti, eksportet e mallrave arritën vlerën 319 miliardë lekë, duke u ulur me 7 % kundrejt të njëjtës periudhë të një viti më parë, ndërkohë importet e mallrave arritën vlerën 807 miliardë lekë, me tkurrje vjetore 1%. Deficiti tregtar arriti vlerën 488 miliardë lekë, duke u rritur me 3.4 %, krahasuar me të njëjtën periudhë të 2024.
Kontributi i grupeve kryesore në ndryshimin vjetor të eksporteve
Gjatë muajit nëntor 2025, në rënien e eksporteve prej 6,9 %, negativisht kanë ndikuar grupet: “Minerale, lëndë djegëse, energji elektrike” me -4,0 pikë përqindje dhe “Tekstile dhe këpucë” me -1,0 pikë përqindje. Pozitivisht kanë ndikuar grupet: “Makineri, pajisje dhe pjesë këmbimi” me +0,4 pikë përqindje dhe “Produkte kimike dhe plastike” dhe “Materiale ndërtimi dhe metale” me nga +0,3 pikë përqindje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Eksportet, gjatë këtij njëmbëdhjetëmujori janë ulur me 7,0 %, krahasuar me një vit më parë. Grupet që kanë ndikuar në uljen vjetore të eksporteve, janë: “Materiale ndërtimi dhe metale” me -5,0 pikë përqindje, “Minerale, lëndë djegëse dhe energji elektrike” me -1,6 pikë përqindje, etj. Ndërsa pozitivisht kanë ndikuar grupet: “Ushqime, pije, duhan” me +0,8 pikë përqindje dhe “Makineri, pajisje dhe pjesë këmbimi” me +0,6 pikë përqindje.
Kontributi i grupeve kryesore në ndryshimin vjetor të importeve
Gjatë muajit Nëntor 2025, në uljen e importeve prej 3,0 %, krahasuar me një vit më parë, kanë ndikuar negativisht grupet: “Makineri, pajisje dhe pjesë këmbimi.” me -1,5 pikë përqindje dhe “Materiale ndërtimi dhe metale” me -0,8 pikë përqindje. Ndërsa pozitivisht kanë ndikuar grupet: “Ushqime, pije, duhan” me +1,1 pikë përqindje dhe “Prodhime druri dhe letre” me +0,3 pikë përqindje.
Si njëmbëdhjetëmujor, importet janë ulur me 1,0 %, krahasuar me të njëjtën periudhë të vitit 2024. Grupet që kanë ndikuar negativisht në uljen vjetore të importeve, janë: “Makineri, pajisje dhe pjesë këmbimi” me -1,3 pikë përqindje, “Materiale ndërtimi dhe metale” me -1,0 pikë përqindje, etj. Ndërsa pozitivisht kanë ndikuar grupet: “Minerale, lëndë djegëse, energji elektrike” me +0,8 dhe pikë përqindje dhe “Ushqime, pije, duhan” me +0,6 pikë përqindje.
