LIGJET E BIZNESIT
Delegacioni i Bashkimit Evropian në Tiranë ka shprehur shqetësime serioze lidhur me propozimin e qeverisë shqiptare për “Paqen Fiskale”, duke theksuar nevojën për masa mbrojtëse kundër pastrimit të parave dhe uljen e përjashtimeve tatimore.
Pyetur nga Euronews Albania, delegacioni dha këtë përgjigje:
“Komisioni Evropian ka diskutuar propozimin e Paqes Fiskale me autoritetet shqiptare, përfshirë në takimin e Nënkomitetit për Tregtinë, Industrinë, Doganat dhe Tatimet më 25-26 nëntor. Komisioni theksoi shqetësime serioze që lidhen me dekurajimin e pajtueshmërisë tatimore dhe përsëriti nevojën për vendosjen e masave mbrojtëse të forta kundër pastrimit të parave në propozim, ndërkohë që vazhdon të angazhohet në uljen e numrit të madh të përjashtimeve tatimore. Ne presim që këto shqetësime të adresohen. Ne kujtojmë më tej se Qëndrimi i Përbashkët i BE-së për grupin themelor nënvizon rëndësinë që Shqipëria të sigurojë që “amnistë e mundshme dhe programet vullnetare të pajtueshmërisë tatimore të jenë në përputhje me planet e vendit dhe të përparojnë luftën kundër krimit të organizuar dhe të jenë në përputhje me acquis përkatëse të BE-së dhe standardet ndërkombëtare, të tilla si ato të përcaktuara nga Moneyval dhe FATF”./Euronews Albania
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
