Ministrja njofton rritjen e pagës minimale në 50 mijë lekë, ja sa punonjës pwrfitojnë

Qeveria ka miratuar rritjen e pagës minimale mujore, duke e çuar atë nga 40,000 lekë në 50,000 lekë. Një rritje kjo që do tw bëhet e vlefshme duke filluar nga 1 janari 2026.

Ministrja e Ekonomisë dhe Inovacionit, Delina Ibrahimaj njoftoi se vendimi përfshin 307,850 punonjës të regjistruar në sektorin publik dhe privat dhe përbën përmbushjen e një tjetër angazhimi të dhënë ndaj qytetarëve.

Sipas ministres, kjo masë synon mbrojtjen e nivelit të jetesës së të punësuarve, fuqizimin e kapitalit njerëzor dhe përmirësimin e standardit të jetesës për mijëra familje shqiptare.

Ajo theksoi gjithashtu se rritja e pagës minimale do të kontribuojë në uljen e informalitetit në tregun e punës dhe në forcimin e respektimit të kontratave ligjore, duke pasur një ndikim pozitiv në ekonominë e vendit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern