LIGJET E BIZNESIT
Rriten kursimet e depozituara në banka. Të dhënat e Bankës së Shqipërisë tregojnë se në fund të shtatorit, në systemin bankar ishin depozituar mbi 1.4 trilionë lekë të depozituara. Kundrejt gushtit, është shënuar një rritje Të dhënat nga Banka e Shqipërisë tregojnë se në krahasim me gushtin, vlera e parave të depozituara nga qytetarët dhe bizneset u zgjerua me 12.5 miliardë lekë.
Shtimi I nivelit të depozitave mund të shpjegohet me mundësitë e kufizuara për të investuar, në një kohë që pasiguritë në ekonomi janë shtuar, si rezultat i situatës së përgjithshme globale, por edhe ambientit të brendshëm.
Dhe në një kohë që kursimet në banka shtohen, një pjesë e konsiderueshme e popullatës ankohet se nuk ka para as për të kaluar muajin.
Paradoksi shpjegohet me të dhënat nga Agjencia e Sigurimit të Depozitave. Më shumë se gjysma e parave të kursyera u përkasin vetëm 5 për qind të qytetarëve.
Të dhënat nga Banka Qendrore tregojnë se për shkak të zhvlerësimit të euros, në banka po zgjerohen depozitat në lekë. Kursimet në monedhën kombëtare në fund të shtatorit kapërcyen shifrën e 681 miliardë lekëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
