Eksperti i opozitës analizon buxhetin e Tiranës: Me “shumë koka”, paguan më shumë për stafet sesa për investimet

Këshilltari ekonomik i PD-së, njëherazi anëtar i Këshillit bashkiak të kryeqytetit ka analizuar buxhetin e Bashkisë së Tiranës. Sipas tij, pjesa më e madhe e fondeve deri më tani janë shpenzuar për paga, ndërsa nuk janë kryer investime për shërbime jetike për qytetarët, si mbrojtja civile e zjarrfikësit, e deri te rrjeti rrugor rural dhe strehimi.

❌ ​Dikush nga Bashkia me “shumë koka” të na shpjegojë pse për 9 muajt e parë 2025 ka shpenzuar 64 milionë euro për pagat e një administrate të fryrë, ndërkohë që për investimet jetike të kryeqytetit ka paguar plot 5 milionë euro MË PAK.

❌ Dikush nga Bashkia me “shumë koka” të na shpjegojë se pse investimet po kryhen me ritme 4 herë më të ulta sesa planifikimi i po vetë bashkisë?

❌ Dikush nga Bashkia me “shumë koka” të na shpjegojë arsyet e dështimit të investimeve nga mbrojtja civile e zjarrfikësit, e deri te rrjeti rrugor rural dhe strehimi.

❌ Dhe pika kulmore, dikush nga Bashkia me “shumë koka” të na shpjegojë si është e mundur që asnjë qindarkë investim nuk është kryer në programin e arsimit profesional.

Ky nuk është menaxhim, është tallje!

​Tirana s’ka nevojë për “shumë koka”, për të punësuar fiktiv dhe karrige të reja zyrash, por për shërbime, rrugë, shkolla, strehim, siguri dhe funksionalitet.

Një arsye më shumë që Tiranës i duhet ndryshimi, një arsye e fortë më shumë për zgjedhje të parakohshme në bashkinë e kryeqytetit.